Цяпер мы даступны таксама
па ICQ 446683030. Таксама вы можаце задаць свае пытанні ў on-line рэжыме праз сетку SKYPE – імя n-asveta |
| | Навіны ад «Народнай асветы» |
| Чытайце ў наступным нумары: Да новага навучальнага года: парады, рэкамендацыі, эфектыўны вопыт |
|
| | Запрашэнне да ўдзелу ў фестывалі ў фармаце PDF ПАЛАЖЭННЕ аб фестывалі школьнай прэсы «Пунсовыя ветразі» І. Заснавальнікі фестывалю Заснавальнікам фестывалю з’яўляецца рэдакцыя часопіса «Народная асвета» пры падтрымцы зацікаўленых дзяржаўных і грамадскіх устаноў і арганізацый. ІІ. Мэты і задачы фестывалю Фестываль праводзіцца з мэтай выяўлення ў сярэдніх школах, гімназіях, ліцэях і пазашкольных установах Рэспублікі Беларсь творчых калектываў (школьных рэдакцый), якія ствараюць уласныя газеты і часопісы, а таксама таленавітых юнакоў і дзяўчат, схільных да прафесіянальнай журналісцкай дзейнасці. Задачамі фестывалю з’яўляюцца: павышэнне прэстыжу прафесіі журналіста; развіццё творчых здольнасцей падлеткаў, юнакоў і дзяўчат, павышэнне іх інтэлектуальнага і культурнага ўзроўню на аснове нацыянальных і агульначалавечых каштоўнасцей; выхаванне гуманізму, патрыятычных адносін да радзімы; фарміраванне мультыкультурнай пазіцыі сучаснай моладзі; прыцягненне ўвагі да праблем дзяцей і моладзі, адукацыі, узаемадзеяння сям’і, школы і дзіцячых грамадскіх арганізацый; фарміраванне здаровага ладу жыцця і асноў бяспекі жыццядзейнасці дзяцей і падлеткаў; пашырэнне інфармацыйнага поля, стварэнне спрыяльнай інфармацыйнай прасторы ў дзіцячым і маладзёжным асяроддзі.
ІІІ. Арганізацыя фестывалю і тэрміны яго правядзення Фестываль праводзіцца ў студзені–снежні 2010 г. і прадугледжвае шэраг мерапрыемстваў, сярод якіх: дыстанцыйны курс «Школьная медыя-прастора» на старонках часопіса «Народная асвета» і аднайменны інтэрнет-праект (студзень–снежань 2010 г.); інфармацыйна-асветніцкая акцыя «Салют, фестываль!» і аднайменны інтэрнет-праект (снежань–студзень 2010 г.); вучнёўская канферэнцыя «Роля сродкаў масавай інфармацыі ў жыцці школы» (май 2010 г.) ; прэс-канферэнцыя з журналістамі друкаваных і электронных СМІ Беларусі (май 2010 г.) ; майстар-класы для новых удзельнікаў фестывалю «Пунсовыя ветразі»: «Арганізацыя работы школьнай рэдкалегіі», «Фатаграфія ў школьных СМІ», «Дызайн і вёрстка перыядычнага выдання» (май 2010 г.); прэзентацыя фестывалю «Пунсовыя ветразі» на Міжнароднай спецыялізаванай выстаўцы «СМІ ў Беларусі» (май 2010 г.); экскурсіі для ўдзельнікаў фестывалю ў рэдакцыі вядучых СМІ Беларусі, Дом друку, Белтэлерадыёкампанію, Нацыянальную бібліятэку Рэспублікі Беларусь; правядзенне (сумесна з Рагачоўскім раённым цэнтрам пазашкольнай работы) Міжнароднага фестывалю дзіцячых і маладзёжных СМІ «Славянский родничок» (Беларусь-Расія-Украіна); конкурс на лепшае школьнае друкаванае выданне «Спроба пяра».
Удзельнікамі конкурсу могуць быць школьныя рэдкалегіі і творчыя калектывы, а таксама рэдкалегіі пазашкольных устаноў, якія выпускаюць свае друкаваныя або электронныя СМІ (газеты, часопісы, альманахі і інш.). Друкаваны варыянт газеты (часопіса) і яго электронная версія лічацца адным выданнем. Электронныя СМІ, прадстаўленыя на конкурс, павінны ўяўляць сабой асобнае самастойнае выданне і быць размешчаны ў інтэрнеце ў адкрытым доступе. Конкурс праводзіцца з 1 студзеня па 15 красавіка 2010 г. па трох намінацыях: – «Лепшая школьная газета»; – «Лепшы школьны часопіс»; – «Лепшы электронны сродак масавай інфармацыі». Для ўдзелу ў конкурсе рэдкалегіі (творчаму калектыву) неабходна да 15 красавіка 2010 г. даслаць на адрас рэдакцыі часопіса «Народная асвета» тры розныя нумары сваёй газеты (часопіса) або дыск з лакальнай версіяй электроннага СМІ, якія выйшлі ў 2009/10 навучальным годзе. Асобна дадаецца кароткая анатацыя, якая павінна ўтрымліваць інфармацыю пра заснавальніка, каардынатара праекта, склад рэдкалегіі, кантактны тэлефон, поўны паштовы і электронны адрасы. Конкурснае выданне павінна адлюстроўваць актуальныя палітычныя і грамадскія падзеі, найважнейшыя аспекты жыцця навучальнай ці выхаваўчай установы, дэманстраваць творчы патэнцыял стваральнікаў газеты (часопіса), адпавядаць заяўленаму тыпу выдання (па структуры, рубрыкацыі, графічным і дызайнерскім афармленні). У асобнай намінацыі будуць ацэньвацца газеты, часопісы ці асобныя публікацыі, якія адлюстроўваюць тэматыку бяспечнай жыццядзейнасці дзяцей і падлеткаў. Прыкладная тэматыка Дзецям і моладзі – бяспечны дарожны рух. Няхай гарыць зялёны свет на тваёй дарозе! Юныя інспектары дарожнага руху – заўсёды на варце! Бяспечная дарога ў школу: яна павінна быць такой! Добрыя дарогі дзяцінства.
Фінал конкурсу і ўзнагароджанне пераможцаў адбудзецца ў Мінску падчас Міжнароднай выстаўкі «Сродкі масавай інфармацыі ў Беларусі» (май 2010 г.). Аргкамітэт і журы прадугледжваюць узнагароды і каштоўныя падарункі для пераможцаў у кожнай намінацыі, а таксама шэраг узнагарод для ўдзельнікаў фестывалю за асобныя творчыя дасягненні. V. Фінансаванне фестывалю Каштарыс выдаткаў складаецца з добраахвотных ахвяраванняў зацікаўленых асоб, устаноў і арганізацый. Асвятленне фестывалю і яго вынікаў адбываецца на старонках часопіса «Народная асвета», іншых педагагічных, грамадска-палітычных, дзіцячых і маладзёжных выданняў. Праекты часопіса "Народная асвета" |
