У 2010 г. часопіс «Народная асвета» працягвае папаўняць матэрыяламі рубрыку-праект «Люстэрка прафесійнай адукацыі». Праект накіраваны на інфармацыйную падтрымку Дзяржаўнай праграмы развіцця прафесійна-тэхнічнай адукацыі. Партнёр праекта – Віцебскі абласны вучэбна-метадычны цэнтр прафесійнай адукацыі.

Асноўныя тэмы праекта:

    – новы змест прафесійна-тэхнічнай адукацыі;

    – сучасныя сродкі навучання (вучэбна-метадычныя комплексы);

    – метадычнае забеспячэнне зместу адукацыі ва ўстановах ПТА;

    – якасць падрыхтоўкі рабочых кадраў і бесперапынная

    – прафесійная адукацыя.

 З планам рэалізацыі праекта «Люстэрка прафесійнай адукацыі» можна пазнаёміцца ТУТ>>>

• Рубрыкі часопіса – гэта доўгатэрміновыя творчыя праекты і дыстанцыйныя навучальныя курсы, якія структурыраваны такім чынам, каб у выглядзе гатовага модуля маглі лёгка ўключацца ў навучальны і выхаваўчы працэс, у дзейнасць метадычнай службы і адміністрацыйнага блока.

• Электронныя варыянты тэм, рубрык, праектаў – гэта той дадатковы рэсурс, які наш пастаянны чытач мае магчымасць атрымаць бясплатна ў асабістае карыстанне. Азнаёмцеся з тэматыкай, калегі, у нашых рэдакцыйных каментарыях на старонках 9, 37, 75, 85 сённяшняга нумара і падавайце, калі ласка, вашу заяўку!

• Сайт «Народнай асветы» – наш спадарожнік і навігатар у сусветнай павуціне – гэта яшчэ адзін інструмент далучэння да тых матэрыялаў часопіса, якія носяць максімальна практычны і актуальны характар. Звяртайцеся на сайт www.n-asveta.com!

• Майстар-класы лепшых аўтараў чсопіса – гэта наш гонар і ваша унікальная магчымасць запрасіць майстра да сябе ў школу ці рэгіён, каб з першых рук атрымаць новыя педагагічныя веды на такіх своеасаблівых курсах хуткага рэагавання, стаць слухачом лятучага педагагічнага універсітэта. Далучайцеся да нашай грамадскай ініцыятывы!

• Семінары і круглыя столы «Інфармацыйная культура педагога» – гэта наш уклад у фарміраванне прафесійнай культуры і кампетэнтнасці спецыялістаў адукацыйнай сферы. Як падрыхтаваць артыкул для педагагічных СМІ? Як правільна абагульніць уласны вопыт і вопыт работы навучальнай установы? Дзе знайсці і як выкарыстаць узоры якаснай педагагічнай практыкі? Давайце сустракацца і разам шукаць адказы на пытанні!

• Фестываль «Пунсовыя ветразі» – гэта наш творчы праект і агульнае свята з тымі апантанымі педагогамі і таленавітымі вучнямі, што імкнуцца на самым сучасным узроўні ствараць лакальныя дзіцячыя СМІ. На Міжнароднай выстаўцы «СМІ ў Бларусі» ў маі 2010 г. мы сустрэнемся ўжо сёмы раз. Шукайце патрэбную інфармацыю ў часопісе (№12, 2009 г.) і на нашым сайце, станавіцеся пад пунсовыя ветразі!

Канкурэнтаздольнасць навучальнай установы, маніторынг адукацыйнага працэсу.

•  Дадатковыя адукацыйныя паслугі ў школе.

•  Рэйтынг настаўніка, аналіз дзейнасці педагога.

•  Падрыхтоўка да алімпіяд, работа з адоранымі дзецьмі.

•  Педсавет: падрыхтоўка, арганізацыя, рэфлексія.

•  Бацькоўскі сход: рэкамендацыі, гутаркі, сямейныя святы.

А яшчэ нашы калегі са школ, гімназій, ліцэяў Магілёва, Быхава, Ляхавіч, Насовіч, Гродна, Віцебска, Барысава і іншых цудоўных мясцін Беларусі разам з рэдактарскім корпусам будуць весці летапіс беларускай адукацыі ХХІ стагоддзя ў праекце «Энцыклапедыя «Школы Беларусі». Школы-маякі і настаўнікі – зоркі педагагічнага Алімпа – свецяць нам ярчэй сапраўдных зорак і не даюць збіцца з магістральнага шляху.

Як пішуць нашы сябры і калегі з Заастравецкай СШ Клецкага раёна, часопіс і яго чытачы – гэта сазлучаныя сасуды: ад узаемнага прафесійнага кантактавання інтэлектуальны ўзровень людзей узнімаецца да вяршынь творчасці і поспеху. Яны параўноўваюць майстроў педагагічнай і рэдактарскай справы з сонечнымі батарэямі, якія працуюць непасрэдна ад сонца.